ಶೀರ್ಷಿಕೆ: ನೀನೇನೆ ಎಲ್ಲೆಡೆ
ಸಿಂಧು ಭಾರ್ಗವ ಬೆಂಗಳೂರು
ನೀನೇ ನನಗೆಲ್ಲಾ
ನೀನಿಲ್ಲದೇ ಬಾಳಿಲ್ಲ
ಎಂಬಂತಹ ಭಾವನೆ ನನಗಿಲ್ಲ..
ನಿನ್ನ ನೆನಪುಗಳು
ಆಡಿದ ಮಾತುಗಳು
ಜೊತೆಯಾಗಿ ಬೆಂಬಲಕ್ಕೆ ನಿಂತಿವೆಯಲ್ಲ...
ನೀನಿಲ್ಲದಿದ್ದರೂ,
ದೂರಾಗಿ ನಿಂತರೂ
ಬದುಕುವೆ ನಾನು, ನಿನ್ನನ್ನೇ ಸ್ಪೂರ್ತಿಯಾಗಿಸಿ..
ಹಗಲು ಕಳೆದರೂ
ಇರುಳು ಸರಿದರೂ
ಖುಷಿಪಡುವೆ ನಮ್ಮಯ ಪ್ರೀತಿಯ ಒಪ್ಪವಾಗಿಸಿ..
ಹೊಸ ಚಿಗುರು ಬಂದು
ಹಳೆ ಬೇರು ನಳಿಸಿ
ಲತೆಯೊಂದು ಕಳೆಕಟ್ಟಲೇಬೇಕು
ಮಳೆಗಾಲಕೆ ಮಿಂದು
ಚಳಿಗಾಲಕೆ ನಡುಗಿ
ವೈಶಾಖದ ಬಿಸಿಗೆ ಮೈಯೊಡ್ಡಲೇಬೇಕು...
ಗಡಿಯಾರದ ಮುಳ್ಳು
ತಿರುಗುವ ಓಟಕೆ
ಸಮಯವೇ ನಾಚಿ ತಲೆಬಾಗಲೇಬೇಕು..
ಬಿಡುವಿರದ ಕಾಯಕ
ಸುರಿಯುತಿರುವ ಬೆವರಿಗೆ
ವಿಶ್ರಾಂತಿಗೆ ನಿಶೆಯ ಆತುಕೊಳ್ಳಲೇಬೇಕು..
*****
(ದಿನಾಂಕ: 18 Feb 2023)
(ಗೂಗಲ್ ಚಿತ್ರಕೃಪೆ)
No comments:
Post a Comment